消委會教你 3 招揀驗窗師傅

| Hin | 16-05-2016 14:23 | |

「強制驗窗計劃」聽就聽得多,不過未殺到埋身大家都係「懶懶閒」,但當自己屋企要做「強制驗窗」時,稍一不留神就會受騙;甚或付出高於市價嘅價錢,得到差劣的驗窗質素。消費者委員會表示由 2012 年開始實行「強制驗窗計劃」後,投訴個案由 2012 年 6 宗躍升至去年 37 宗。因此,消委會醒你 3 招驗窗須知,等大家知清知楚,慎防被騙!

1. 辨識合資格人士

強制驗窗計劃係要由合資格人士(QP)親自進行訂明檢驗或監督修葺,完成後向屋宇署遞交證明,業主方可取得確認信,證明完成整個強制驗窗程序。

至於點樣先可以辨識得到對方 / 承建商,是否合資格人士呢?其實大家只要登入屋宇署嘅網站,就可以搜尋得到對方 / 承建商是否合資格人士。

按此查閱合資格人士

不過,有部分屬合資格的不法承建商,會派出不合資格的人員進行驗窗。為防此問題發生,其實屋宇署於 2016 年 2 月開始向合資格人士發出「驗窗卡」,卡上載有合資格人士的名字及近照。因此,在進行驗窗前,大家可查閱及要求對方出示驗窗卡,以資證明。

2. 驗窗要求範圍

檢驗及評估窗門的要求範圍係乜呢?如下圖般分為 1 至 5 項。當中頭 4 項屬訂明檢驗的涵蓋範圍:

a. 破爛或破裂的玻璃嵌板;

b. 難以開啟或關閉的窗扇變形或不穩的窗框及窗扇;

c. 窗鉸變形或缺漏,出現嚴重生銹;

d. 螺絲或鉚釘變鬆,呈現灰白色粉狀物質或鐵銹。

至於第 5 項「缺漏或欠妥的防水膠邊」,則不屬於訂明檢驗的涵蓋範圍。亦即使說師傳同你講窗門的防水膠邊有老化現象、滲水問題,由於它們並不是強制驗窗計劃下訂明檢驗及修葺所涵蓋的範圍,你可選擇是否進行修葺,並非一定要強制更換。

3. 強制驗窗計劃簡易流程圖

講咗咁耐「強制驗窗計劃」,要搵合資格既驗窗師傅進行驗窗,又要師傅填表格,業主先可以取得確認信。究竟整個流程圖係點,即刻帶你睇,等你知清楚啲,慎防被騙。

Source:ezone.hk、consumer.org.hk

Page 1 of 18