iPhone 用用下有一日彈出「你必須在 60 分鐘內更改 iPhone 解鎖密碼」，按唔按「繼續」？係咪中毒？但按「稍後」其實可以繼續用 iPhone，除咗好煩時不時又彈出嚟提下你，基本上冇問題。但都覺得好煩，咁應該點做？
就上術問題，ezone.hk 記者 google 咗下，有好多解釋：中咗木馬、手機跟公司 email 掛鉤、安裝咗最高級別的 app、被 apple configurator 認為密碼過期、也有說只要登出 Apple Store 就可以解決。ezone.hk 分別打咗 2 次電話致 Apple Contact Support。一次係未有顯示來電、一次來電顯示自新加坡。
前者則解答因為 Apple 認為你密碼過短，洩密危險度高，故彈出相關提示，建議更改 Apple ID。之後再於手機頁面登出一次 Apple ID 然後再登入。後者既答覆係：最安全起見你重置 Apple ID，然後再改解鎖密碼，因為不會因為 iOS 9 系統更新而出現 (由密碼最少 4 個位變成最少 6 個位，因而被蘋果偵測密碼過短)。雖然答案有出入，但更改 Apple ID 確是解決方法。
【解決方法】
登入 https://appleid.apple.com/account/home → 安全→更改密碼 (建議從電腦端更改，手機登入的話，進入「安全」時，需要回答安全提示問題 (ezone.hk 記者表示已經忘記…)。更改後，設置一個較為複雜的密碼 (至少 6 位數)，然後於手機→設定→iTunes 與 AppStore 選擇「登出」，然後再「登入」，便應可解決「你必須在 60 分鐘內更改 iPhone 解鎖密碼」的煩人信息顯示。
Source：ezone.hk