一鍵釋放 Samsung 手機電池可充空間

| Ming | 16-08-2017 01:05 | |

Samsung 手機電量覺得襟唔襟?特別係依家冇得換電,如果舊電好快打柴,對於唔係追新一族,年年換機荷包都幾傷。想手機電池耐用啲,可以考慮做電池校正,而且呢個方法都可以睇下你部手機既電池健唔健康。

點解要做電池校正?

由於鋰電池既並沒有記憶效應,在日常使用時的應用及充電方法 (邊充邊用、用尿袋充、用電腦充、用唔同電壓既尿袋等等),好容易令到電池有「虛電空間」既情況,即實際可充既電量與手機顯示既電量有距離。透過電池校正,可以讓電池恢復正常,釋放這些虛電空間。

校正方法好簡單

呢個方法適用於 Samsung 手機。進入撥號介面,輸入 *#0228#,便會自動跳至電池當前動態資訊介面。在介面內,留意兩個數值:電壓 (Voltage) 同電量 (Level)。如果電池電壓 4.2V 以下 (一般出廠電壓為 5V),代表電池並不是很健康。

ezone.hk 以 Note 4 測試,電池即時下跌 5%,但建議進行電池循環時才進行。

Note 4 的電池並不是太健康,不過用家表示,仍未太影響日常操作,因此未有換機打算。

電量是否有虛空狀態?

先記下剛才看到的電量 (示範為 100%),重複於撥號介面,輸入 *#0228#,按「Quick Start」→ OK,如果有虛空狀態,便不會再顯示為  100%。ezone.hk 記者以 GS 6 edge 示範時,100% 會跌至 99%,再充電至 100%,重複以上校正步驟,如仍維持 100%,代表已校正完畢。一般來說,三次左右可完成校正。
但若想做到真正的電池校正,建議為手機進行電池循環時才進行 (耗電至 0% 再充滿電至 100%,然後進行電池校正)。

注意事項

以上既電池校正方法,只需一個月在為手機進行電池循環時進行,不需要頻繁進行,但留意鋰電池容量只會下降,因此以上的電池校正方法,如果是型號較舊的,一般只可以釋放大約 3%-10% 左右的虛電空間。此外,就是你有沒有這個閒情,每個月記得為手機進行電池校正?同身體要健康一樣,健康並唔係一朝一夕,要 KEEP 的~

Page 1 of 21