用保鮮紙包手機?廚房佬貼圖:有咩問題

| Kay | 13-09-2017 16:21 | |

不少人為了好好保護手機,會選擇用上保護套、保護貼等周邊配備,不過有網民驚覺,原來保鮮紙都可以保護手機,而且包住手機使用一樣操作正常,因此這位樓主不禁開啟了發現新大陸模式,並於巴打絲打 Facebook Club 出 post 問道:「保鮮紙包手機係咩玩法?」。其實有不少有份回應的網友,覺得樓主大驚小怪,「人哋咁做一定有佢嘅原因。冇咩好討論同嘲笑嘅地方」,甚至有霸氣廚房佬貼圖神回:「我都係咁包住,有咩問題?」

【精選消息】Celine 妹妹全美一叮新片!夢幻獻唱 How Far I'll Go!

【精選消息】長輩網上誤交損友?阿媽執意獨往印度見男網友

在這個 post 中,發現從事廚房工作的人士,會因為避免手機沾上油煙污跡,原來地盤工人及麵包師傅都有類似的習慣,根本只是樓主小巫見大巫,old new is so 唔識串。當然,除了有網民認真回覆用保鮮紙包手機使用,是為了「費事整污糟」、「防水防汗」,又或者「爆貼爆 mon 未買新貼前,包咗幾日保鮮紙頂替」外,也有網民講笑地道:「用安全套包正啲」、「當打爆機時,避免屏幕碎片飛濺,造成自己 / 身邊人受傷」。未知大家又有否特別的包手機方法,好好保護手機,延長使用期呢?不妨分享一下吧!

以下為精選網民留言

「我都係咁包住,有咩問題?(利申:廚房佬)」

「地盤工一般都用藥丸袋 / 保鮮紙」

「爆屏爆到似保鮮紙」

「當打爆機時,避免屏幕碎片飛濺,造成自己 / 身邊人受傷」

「最新款嘅防爆膜,我哋識條鐵咩......」

「少見多怪,廚房好多人都係咁......」

「用左佢,唔駛買 iPhone X」

「人哋咁做一定有佢嘅原因。冇咩好討論同嘲笑嘅地方」

「咪同啲老竇老母用保鮮紙包電視機 remote 一樣」

「麵包師傅會,工場多粉,啲粉入咗去冇得救㗎!」

不少網民認為樓主見識少,大驚小怪。

更有人提到地盤工人、從事廚房工作的人,有很多都會這樣做。

Source: Ma Choyin @ ‎巴打絲打 Facebook Club 

相關文章

Page 1 of 21