要玩 4.5G「真．無限」高速上網，每月幾乎要近 $400。不過，最近 csl. 有新 Plan，計返可以做到每月唔使 $200，即玩 4.5G「真．無限」高速上網，詳情係點？即刻同大家睇睇。
可以做到咁抵玩，係因為 csl. 近日為 csl「600速」多人共享服務計劃，新增「用量皇」數據組合增值服務。首先，選擇月費 $558 的 10GB 服務計劃，當中包含 1 張主 SIM 卡及 2 張附屬 SIM 卡，只要每月加 $240 便可將所有 SIM 卡，升級至無限上網。
【相關消息】【抵玩】平均月費 HK$23.3！HKBN 5GB Plan 終極劈？
【相關消息】csl. SmarTone 齊劈價【筍價】HK$128/6GB 全速可變 FUP 無限
可加至 5 張 SIM 卡
3 張 SIM 卡的成本，會係每月 $558 (10GB) + $18 (行政費) + $240 (「用量皇」數據組合) = $816，平均每張 SIM 卡每月 $272。
點先做到 $200 以下？其實呢個 Plan 可以加 $58，要多 1 張 SIM 卡，每個 csl「600速」多人共享服務計劃最多額外加 2 張 SIM 卡，即係每月 $816 + $58 + $58 = $932，就可以平均每張 SIM 卡 $186.4，玩 4.5G「真．無限」高速上網，村屋用戶幾家人 Share 的話，真係幾抵！
按照 csl.「用量皇」條款，「當你每月使用的流動數據用量超過該月服務計劃包含的數據用量，你可繼續使用流動數據服務而沒有速度限制，而你所享用的網絡資源將因應網絡情況而分配會較少，你的流動數據體驗或會受到影響。」
ezone.hk 記者以顧客身份向 csl. 產品快線職員查詢，職員回覆指，csl「600速」多人共享服務計劃配合「用量皇」數據組合增值服務，每張 SIM 卡也可享用不限速無限上網。值得一提的是，每張 SIM 卡同時也有無限通話分鐘、來電轉駁、留言信箱等功能。
Source：ezone.hk