近年，車 Cam 成為不少車主必裝之物，它不但可以拍低意外發生時的情況，最重要是在意外或其他事故發生後，有助釐清責任。今日有段車 Cam 影片，就正好直擊一宗交通意外的情況，而且相當震撼，因為車 Cam 片段正正來自肇事私家車。消息指，今早約 10 時，一架由剛從獅子山隧道駛出準備前往窩打老道時失事，在高架橋上剷上一個分岔路口的斜台石壆，並於大型路牌下方的空位直插高架橋下的一個公園。從車 Cam 片段可見，車頭擋風玻璃碎裂。據消息指，私家車司機手腳受傷，幸未有造成嚴重傷亡。從片段可聽到，肇事前一刻，車內似乎有電話響起，未知是否因此而令司機分心。
車 Cam 片段在多個 Facebook 群組、專頁，以至 WhatsApp 內廣泛流傳，網民均議論紛紛，有人就對「第一身」車 Cam 片段流出表示驚訝：「真係好少呢類第一身視角片睇，有都自己吞咗張 SD 落肚啦，點會放出嚟？」不過有網民就質疑究竟這段片後是由誰人流出，部分意見認為有可能是警方流出。有網民就打趣表示，司機只是想用最快方式回家，並附以出事地點的地圖表示：「你識咩丫，咁樣返屋企最快呀。」
部分「花生友」就以 Mario Kart 認容今次意外，相信大家都記得孖寶賽車的戰車是可以靠降落傘之類的飛行輔助飛上天呢！
Source：馬路的事討論區