扮工真理?「咁快做完嘢,一定好得閒」 港資腦細:慢動作做就覺得好勤力

| Kay | 17-08-2017 13:27 | |
扮工真理?「咁快做完嘢,一定好得閒」 港資腦細:慢動作做就覺得好勤力

對不少打工仔而言,選擇「辦公」定「扮工」,可謂是人生交叉點。做事有能力、高效率的「辦公達人」,極速完成工作,但最後卻可能被認定為「你咁快做完嘢,你一定好得閒」的負評,相反「扮工達人」多選擇將一個工作攤長來做,就換得「咁遲收工,一定好勤力」的讚賞。作為打工仔的大家,見到這樣的對待,當然是覺得慘無人道,可惜,這的確是不少腦細的想法,不知道大家的腦細又是否這樣認為呢?有網民就出了一個上班 post,分享這個辦公(定扮工界)的 goodest logic。

【精選消息】

【精選消息】

樓主參透不到的是,智商要低過多少的人,方有「你咁快做完嘢,你一定好得閒」、「我咁遲收工,我一定好勤力」的 goodest logic?當然,這樣的 goodest logic 的確難於讓人理解,但可惜的是,網民眼中的腦細,有很多都存在類似的想法,最後令員工淪為「日日鬥 OT」的下場。有網民苦訴公司有位「傻的嗎」上司,認為「我快手做完你覺得我唔做嘢,啲人慢動作做就覺得佢好向左走向右走勤力」,也有網民提到最佳員工,應該要是這樣的:「九至六喺度 Hea,六點後 OT(係冇錢)先發力。」。

此外,有「世事都被看透了」的網民,覺得香港不少僱主因為重視「視覺效果」(演技同道具)多過真正的效率及良品,所以造就打工要做人多過做事的風格,也令不少演技甚為精湛的扮工大帝,即使做到少量工作有人工加,做錯事也可升職加薪。 歸根究底,也是因為「99.99% 香港老闆係咁嘅思想」,甚至認為最好喺公司瞓埋,咁就對公司最有歸屬咁喇。但當然,站於員工的角度,就不會是這樣認為了,因為員工是員工,不是奴工吧。

網民精彩留言一覽:

「一切都係睇老細」

「你做得最快,你做埋其他人嗰啲啦」

「扮做嘢同拖慢嚟做咪一樣,都係浪費時間」

「啲上司就係咁向左走向右走傻的嗎,我快手做完你覺得我唔做嘢,啲人慢動作做就覺得佢好向左走向右走勤力」

「九至六喺度 Hea,六點後 OT(係冇錢)先發力。呢啲先係最佳員工。」

「出嚟做野遇唔到好老細,真係要隱藏實力,不斷進修自己等跳」

「真係,快手快腳做晒嘢比人覺得你冇野做 / 懶,重會話你唔幫手其他嘢(自己忙果時又唔見有人嚟主動幫手),相反,如果你灘開晒喺度慢慢做,做到 OT 都做唔晒人地反而覺得勤力,好員工。總結:都係扮工算了」

「做得耐就叫勤力都唔知邊向左走向右走過發明出嚟」

「好多僱主表現出來,重視『視覺效果』(演技同道具)多過真正嘅效率同良品。有時係公司『文化』,有時係部門『風格』,總之令你覺得做人多過做事」

「我前公司都大把扮工大帝,做少少嘢有人工加,做錯嘢有職升。」

扮工真理?「咁快做完嘢,一定好得閒」 港資腦細:慢動作做就覺得好勤力
樓主原 post 的確值得大家思考。

扮工真理?「咁快做完嘢,一定好得閒」 港資腦細:慢動作做就覺得好勤力
有網民灰心的是,快手快腳做晒嘢比人覺得你冇野做 / 懶,相反灘開晒喺度慢慢做,做到 OT 都做唔晒人地反而覺得勤力,好員工。

Source: hkgolden

相關文章

Page 1 of 11