連登掀起數碼底片之爭!菲林機友圍爐取暖?

| Siu Yeung | 10-08-2017 18:43 | |

記得數碼相機興起之初,不時都有人爭論,究竟數碼相機好,還是傳統菲林機好。隨着時日過去,數碼拍攝已全面普及,但亦有部份人,堅持繼續使用菲林相機。本來河水不犯井水,但近日有連登巴打出帖,題目為「21世紀了 點解仲有人影菲林」,馬上又惹起爭議。

樓主出此帖時表示:「除左 LF (Large Fine) 之外,數碼 IQ (Image Quality) 已經遠遠超越菲林,見到成班人係啲菲林 post 圍爐就覺得核突。」此言一出,明顯較多人支持數碼,理由亦顯而易見,例如成本低、效率高、質素好,「菲林做到嘅,數碼都做到,甚至做得更好」,「(菲林)Scan完咪又係數碼多舊魚」。

【網絡熱話】FB 相機新功能!比卡超十萬伏特上身

【網絡熱話】14 個好友必學影相甫士!跟港女十式講拜拜

至於支持菲林攝影的,則夠多從感覺上出發,表示:「菲林有較強的藝術感、懷舊感」、「鐘意玩古董,儲機儲鏡」、「菲林黑白一定靚過數碼」、「菲林唔可以影左即刻 review,一定要曬出黎,有個種等待嘅感覺」、「我影菲林唔係鍾意影菲林, 係因為有得沖菲林同放相」。其他理由則包括:「適合嚴寒地區」、「長時間曝光較優勝」、「在沒有電力供應的地方仍能使用」等。有些人則持中立態度,「其實唔可以並存架咩 ?一定要非黑即白?」

無論民用或商用,數碼攝影已成大趨勢,但不等於所有人都使用數碼。巴打亦舉出上年奧斯卡最佳電影《星聲夢裡人》(La La Land),也是用菲林拍攝,導演曾解釋,這是為了刻意營造舊荷里活電影感覺。另一個例子是《星球大戰:原力覺醒》,同樣採用菲林拍攝,原因大概是要接近 1983 年《星際大戰六部曲:絕地大反攻》的感覺。

Source:lihkg

相關文章

Page 1 of 21