看完上篇 5 個，中篇 3 個共 8 個 iOS 照片活用法後，很心急想知道還有哪兩個照片功能或操作技尚未學會呢？更始覺原來自己一直未能好好掌握 iOS 中的相簿功能，以為只是一個類似普通相薄，將照片分類，閒時翻看而已。怎料單是一個相簿已有多達 10 個秘技，實在是意想不到。毋怪乎 iPhone 被不少用戶盛讚簡潔易用，功能不複雜卻又感到整個設計從用戶角度出發。
Skill 09︰內置編相功能
iOS 的內置編相，功能雖然唔算好強，不過足夠應付一般編相需要，例如去除紅眼、增強相片色調、套入濾鏡、剪裁、旋轉、自調光亮/對比值，甚至可轉為黑白，想點玩就點玩，用家只需選取要進行編相的照片，並按右上方的 「編輯」 鍵，便會進入編輯頁面。
Skill 10︰自製相簿中的相簿
iOS 夾中夾就聽得多，相簿中的相簿大家又知唔知點整呢？方法好簡單，喺 「照片」 按定左上方的 「+」 鍵，然後選擇 「新增檔案夾」，更改名稱後，進入這個新增的檔案夾，點按 「Edit」→「+」，另行新增第二層，便能為這個檔案夾不斷加添 「相簿」。
Bonus Skill︰解封電郵傳相上限
唔經唔覺原來已講咗 10 個應用技，咁就唔好俾佢停，額外送多個俾大家。《iOS 9》之前，用家如果想喺 「照片」 直接以電郵傳送照片，每次上限為 5 張，嚟到 《iOS 9》，呢個限制已經唔存在，用家可藉電郵，一次過傳送 5 張，甚至更多的相片，變相更方便。
Bonus Bonus Skill︰AirDrop 瞬間傳相
真係停唔到手添，為感謝大家睇咗咁多個 skills，小編就最後送多個啦！有時朋友聚會、去旅行，或者公事，影咗啲相去過番俾相關人士，可能好多用家都會經 WhatsApp 傳送，不過 WhatsApp 會將啲相壓縮，如果想要原相又唔想用 email，只要係同是 iOS 裝置，就可以經 AirDrop 瞬間傳相。
選取要傳送的相片後點按分享，揀中間的 「AirDrop」 圖示，當系統偵測到附近 iOS 裝置便會顯示出來（編按︰對方也要開啟 AirDrop 功能），確定無誤即可傳送，小編試過傳送 31 張相片，3 秒就搞掂！
更多文章︰
Source：ezone.hk